कारागारबाट भागेका दुई कैदीबन्दी पक्राउ, डाँकाचोरी र लागुऔषध मुद्दामा कारागारमा थिए दुबै जना

काठमाडौं । कारागारबाट भागेका दुई कैदीबन्दीलाई प्रहरीले पक्राउ गर्न सफल भएको छ।

काठमाडौं प्रहरीको टोलीले गत भदौ २४ गते जेनजी आन्दोलनका क्रममा सुन्धारास्थित केन्द्रीय कारागारबाट भागेका सुजन रसाइली र मकवानपुरको भीमफेदी कारागारबाट भागेका विष्णुलाल थिङलाई पक्राउ गरी गरेको हो।

जिल्ला प्रहरी परिसर काठमाडौंका प्रवक्ता एसपी पवनकुमार भट्टराईले पक्राउ  परेका रसाइलीले डाँका चोरी मुद्दामा कैद भुक्तान गरिरहेको अवस्थामा कारगारबाट भागेको  र थिङले लागूऔषध मुद्दामा कैद भुक्तान गरिरहेका थिए।  एसली भट्टराईका अनुसार पक्राउ परेका रसाइली सिन्धुपाल्चोकको बाह्रबिसे र थिङ मकवानपुरको बकैया गाउँपालिकाका बासिन्दा रहेका छन् ।

काठमाडौं प्रहरीले रसाइलीलाई काठमाडौँ महानगरपालिका–६ आरुबारी र थिङलाई कागेश्वरी मनोहरा नगरपालिका–६ ग्रिनहिलसिटीबाट पक्राउ गरेको जनाएको छ।प्रहरीले दुबै जनालाई सम्बन्धित कारागार पठाइएको जानकारी दिएको छ।