१४ वर्षीया बालिकलाई जबरजस्ती करणी गरेको आरोपमा भारतीय युवक पक्राउ

काठमाडौं । प्रहरीले एक भारतीय युवकलाई जबरजस्ती करणीको आरोपमा पक्राउ गरेको छ। पक्राउ पर्नेमा भारतको उत्तर प्रदेशस्थित देवरिया गिडा पोष्ट घर भएका २२ वर्षीय राकेश निसाद रहेका छन् ।

कपिलवस्तुको बुद्धभुमी नगरपालिका-७ बिशमपुरास्थित सरस्वती इटा उद्योगमा काम गर्दै आएका राकेशले १४ वर्षीया बालिकालाई जबरजस्ती करणी गरेको प्रहरीले जानकारी दिएको छ।

बालिकालाई जबरजस्ती करणी गरेको उजुरीका आधारमा राकेशलाई इलाका प्रहरी कार्यालय गोरूसिंगेबाट खटिएको प्रहरीले पक्राउ गरेको जिल्ला प्रहरी कार्यालय कपिलवस्तुले जनाएको छ।

जबरजस्ती करणीको आरोपमा पक्राउ परेका राकेशलाई हिरासतमा  थप अनुसन्धान अगाडि बढाएको कपिलवस्तु प्रहरीले जानकारी दिएको छ।@