४४ ग्राम बढी ब्राउन सुगरसहित देवी र पूजा प्रहरीको नियन्त्रणमा

काठमाडौं । ४४ ग्राम बढी ब्राउन सुगरसहित प्रहरीले दुई महिलालाई पक्राउ गरेको छ।

बारा प्रहरीले  जीतपुर सिमरा उपमहानगरपालिका–५ को लल्का पुल नजिकबाट पर्साको पटेर्वा सुगौली गाउँपालिका–६ निवासी ३५ वर्षीया सुशीला  देवी तथा पोखरिया नगरपालिका–७ का  ३० वर्षीया पूजा देवीलाई ४४ ग्राम ४०० मिलिग्राम ब्राउन सुगरसहित पक्राउ गरेको हो।

विशेष सूचनाका आधामा बारास्थित इलाका प्रहरी कार्यालय सिमरा र लागुऔषध नियन्त्रण ब्यूरो वीरगञ्जबाट खटिएको  टोलीले शनिबार दिउँसो पथलैयामा हिँडिरहेका उनीहरुबाट चेकजाँचका क्रममा उक्त परिमाणमा ब्राउन सुगर फेला पारेको जिल्ला प्रहरी कार्यालय बाराले जानकारी दिएको छ।

पक्राउ परेका दुबै महिलालाईहिरासतमा लिएर लागुऔषध कसुरमा थप अनुसन्धान प्रक्रिया अघि बढाइएको बारा प्रहरीले जनाएको छ।