ट्रकको फल्सबटमभित्र लुकाएर ल्याएको करिब १ टन गाँजा बरामद, चालकसमेत नियन्त्रणमा

काठमाडौं । करिब १ टन गाँजासहित ट्रक र चालकलाई नियन्त्रणमा लिइएको छ। सप्तरीको कञ्चनरूप नगरपालिका–२, बरमझियाबाट जिल्ला प्रहरी कार्यालय सप्तरीसहितको संयुक्त टोलीले गएराति फत्तेपुर बाटभारदहतर्फ गइरहेको ना.५ ख ५३५ नम्बरको ट्रकबाट करिब ९७८ किलो गाँजा फेला पारेको हो।

ट्रकमाथि नियमित चेकजाँच गर्ने क्रममा प्रहरीले फल्सबटम (भित्री क्याभिटी) बनाइ लुकाइएका २८ बोरा गाँजा भेटिएको जनाएको छ। घटनास्थलबाट सुनसरी, धरान उपमहानगरपालिका–१३ का २५ वर्षीय संजय श्रेष्ठलाई चालकसहित नियन्त्रणमा लिइएको प्रहरीले बताएको छ।

बरामद गरिएको लागूऔषध तथा पक्राउ परेका व्यक्तिलाई आवश्यक कानुनी प्रक्रिया अघि बढाउँदै थप अनुसन्धान जारी रहेको प्रहरीले जनाएको छ।