सामाजिक सञ्जाल ह्याक गरी ठगी प्रयास बढ्दो, साइबर ब्यूरोद्वारा सतर्कता अपनाउन आग्रह

काठमाडौँ ।पछिल्लो समय सामाजिक सञ्जाल ह्याक गरी आर्थिक ठगी गर्ने घटनामा उल्लेख्य वृद्धि भएको साइबर ब्यूरोले जनाएको छ।

ह्याकरहरूले WhatsApp, Facebook लगायतका सामाजिक सञ्जालमार्फत “अत्यन्त आवश्यक पर्‍यो”, “Urgency”, “Emergency” जस्ता शब्द प्रयोग गर्दै आफन्त वा साथीभाइ बनेर रकम माग्ने प्रवृत्ति बढिरहेको प्रहरीको भनाइ छ।

यस प्रकारका सन्देशहरू प्राप्त भएमा धोका हुनसक्ने सम्भावना अत्यधिक भएकोले उक्त सन्देश पठाउने व्यक्तिसँग प्रत्यक्ष फोनमार्फत यकिन गर्न साइबर ब्यूरोले सर्वसाधारणलाई आग्रह गरेको छ।

कुनै अनौठो वा शंकास्पद माग आएमा सावधानी अपनाई तत्काल पुष्टि गर्नु नै सुरक्षित उपाय रहेको बताइएको छ।