नेपालगन्जबाट २० लाख जरिवानाका फरार समातिँदा, भन्सार छलीको खाद्यान्न पनि ठुलो मात्रामा बरामद
बाँके । जिल्ला प्रहरी कार्यालय बाँकेले गरेको दुईवटा छुट्टाछुट्टै कारबाहीमा फरार प्रतिवादी पक्राउ तथा अवैध रूपमा भन्सार छली गरी ल्याइएका सामग्रीहरू बरामद गरेको छ।
बैदेशिक रोजगार मुद्दामा उच्च अदालत पाटनले २०७९ असार ७ मा गरेको फैसलाअनुसार रु. २० लाख जरिवाना तोकिएका काठमाडौं महानगरपालिका–२० का दिलीप कुमार सिंहलाई नेपालगञ्ज उपमहानगरपालिका–१० बाट प्रहरीले नियन्त्रणमा लिएको हो। सिंहलाई आवश्यक कानूनी प्रक्रियाका लागि जिल्ला अदालत बाँकेमा बुझाइएको प्रहरीले जानकारी दिएको छ।
यसैबीच, प्रहरीले भन्सार छल गरी ल्याइएका खाद्यान्न तथा अन्य सामग्री समेत ठूलो मात्रामा बरामद गरेको छ। नेपालगञ्ज उपमहानगरपालिका–१८ स्थित राम विलास बर्णवालले सञ्चालन गरेको ‘आकाश राइस मिल एण्ड फ्लोर मिल’ मा गरिएको चेकजाँचका क्रममा चामल, दाल, तेललगायतका सामग्री अवैध रूपमा भन्सार छल गरिएको अवस्थामा फेला परेको हो। बरामद सामानको मूल्य करिब रु. १ लाख २६ हजार ३५५ रुपैयाँ रहेको प्रहरीले जनाएको छ।
बरामद सामान तथा सन्चालकलाई आवश्यक कारबाहीका लागि भन्सार कार्यालय नेपालगञ्ज पठाइएको छ। जिल्ला प्रहरी कार्यालय बाँकेका अनुसार दुवै घटनामा कानुनी प्रक्रिया अघि बढाइएको छ।
५ ग्राम बढी ब्राउन सुगरसहित दुई युवक बाँके प्रहरीको नियन्त्रणमा
शुक्रबार, मंसिर १२, २०८२
बलात्कारको आरोपमा २८ वर्षीय युवक प्रहरीको नियन्त्रणमा
बिहीबार, मंसिर ११, २०८२
ब्राउन सुगरसहित ३ जना दाङ प्रहरीको नियन्त्रणमा
बुधबार, मंसिर १०, २०८२
