बर्दियामा कार्यरत प्रहरी कर्मचारीले मनाए १५ औं जब एनिभर्सरी

बर्दिया । नेपाल प्रहरीमा सेवा गर्दै आएका जिल्ला प्रहरी कार्यालय बर्दियामा कार्यरत प्रहरी कर्मचारीहरूको एक समूहले आफ्नो सेवामा प्रवेश गरेको १५ औँ जब एनिभर्सरी मनाएका छन् । 

वि.सं. २०६७ मंसिर १६ गते नेपाल प्रहरी सेवामा भर्ना भएका ब्याचमेट प्रहरी कर्मचारीहरूले आज १५ वर्ष पूरा गरी १६ औँ वर्षमा प्रवेश गरेको खुशी साटासाट गर्दै आपसी सहकार्य र सेवाभावलाई अझ मजबुत बनाउने प्रतिबद्धता जनाएका हुन्।

उक्त अवसरमा सहभागी प्रहरी कर्मचारीहरूले देशको शान्ति, सुरक्षा र कानून कार्यान्वयनमा आफ्नो भूमिकालाई थप जिम्मेवार, अनुशासित र जनमैत्री बनाउँदै लैजाने संकल्प व्यक्त गरेका थिए। लामो समयदेखि एकै प्रणालीभित्र रहेर सेवा गर्दै आउँदा भोगेका अनुभव, चुनौती र उपलब्धिको स्मरणसमेत गरिएको थियो।

कार्यक्रम सौहार्दपूर्ण वातावरणमा सम्पन्न भएको जनाउँदै सहभागीहरूले भविष्यका दिनमा पनि राष्ट्र र नागरिकप्रति इमानदार सेवामा समर्पित रहने प्रतिबद्धता व्यक्त गरेका छन्।