७ करोड ठगी प्रकरणका फरार प्रतिवादी रतन पक्राउ
काठमाडौँ । ७ करोडौं रुपैयाँ ठगी गरी लामो समयदेखि फरार रहेका एक प्रतिवादीलाई प्रहरीले नियन्त्रणमा लिएको छ । काठमाडौँ उपत्यका अपराध अनुसन्धान कार्यालयको टोलीले धनुषाको जनकपुर उपमहानगरपालिका–१६ घर भई सुनसरीमा अन्जनी हार्डवेयर एन्ड सप्लायर्स सञ्चालन गर्दै आएका रतन ठाकुरलाई पक्राउ गरेको हो ।
अपराध अनुसन्धान कार्यालयका अनुसार जिल्ला अदालत सुनसरीबाट पक्राउ पुर्जी जारी भएपछि विशेष खोजीका क्रममा ठाकुरलाई काठमाडौँको बानेश्वर क्षेत्रबाट नियन्त्रणमा लिइएको हो । उनीमाथि करिब ७ करोड रुपैयाँ बराबरको ठगी गरेको आरोप छ ।
पीडित हैदर अलीले ७ करोड रकम ठगी भएको दाबी गर्दै अदालतमा मुद्दा दायर गरेपछि ठाकुर फरार थिए । लामो समयदेखि अनुसन्धानमा रहेका उनलाई पक्राउ गर्न प्रहरीले काठमाडौँ उपत्यकामा निगरानी बढाएको थियो ।
पक्राउ परेका ठाकुरलाई थप अनुसन्धान तथा कानुनी कारबाहीका लागि जिल्ला प्रहरी कार्यालय सुनसरी पठाइएको काठमाडौँ उपत्यका अपराध अनुसन्धान कार्यालयले जनाएको छ ।
नेपालगन्ज र कोहलपुरबाट ब्राउन सुगरसहित तीन युवक बाँके प्रहरीको नियन्त्रणमा
बुधबार, मंसिर १७, २०८२
बर्दियामा कार्यरत प्रहरी कर्मचारीले मनाए १५ औं जब एनिभर्सरी
मंगलबार, मंसिर १६, २०८२
२२३ ग्राम खैरो हेरोइनसहित तामाङ लागुऔषध नियन्त्रण ब्यूरोको नियन्त्रणमा
मंगलबार, मंसिर १६, २०८२
प्रहरी हिरासतबाट भागेका थुनुवासँग भेटियो नेपाल प्रहरी लेखिएको पेस्तोल,उनीसँगै थप २ पक्राउ
मंगलबार, मंसिर १६, २०८२- ७ करोड ठगी प्रकरणका फरार प्रतिवादी रतन पक्राउ
- नागरिक उड्ययन प्राधिकरणका महानिर्देशक अधिकारी अख्तियारको नियन्त्रणमा
- नेपालगन्ज र कोहलपुरबाट ब्राउन सुगरसहित तीन युवक बाँके प्रहरीको नियन्त्रणमा
- सशस्त्र प्रहरीमा ठूलो सुधार: १९२ प्राविधिकलाई बढुवा,२८ सय बढीको वृत्तिविकास सुरु
- सडकमै थन्किएको कन्टेनर बन्यो काल, ठोक्किँदा मोटरसाइकल चालकले गुमाए ज्यान
