बर्दियाको चेपाङ बजारबाट ठुलो परिमाणको अवैध टिमुरसहितको ट्रक प्रहरीको नियन्त्रणमा

बर्दिया । बर्दियाको चेपाङबाट प्रहरीले ठुलो परिमाणमा ल्याइएको अवैध टिमुरसहितको ट्रक र चालकलाई नियन्त्रणमा लिएको  छ। 

जिल्ला प्रहरी कार्यालय बर्दियाका अनुसार  बाँसगढी नगरपालिका-१ चेपाङ बजारबाट खटिएको प्रहरी टोलीले बाजुराबाट नेपालगन्जतर्फ आउँदै  सु.प.प्र.०१-००१ क  २१७४ नम्बरको ट्रकलाई चेकजाँचका क्रममा १८ बोरामा रहेको ४६२ किलो ९ सय ग्राम अवैध  टिमुर फेला पारेको थियो।

चेकजाँचका क्रममा बिना बिलबिजक लुकाइछिपाइ ल्याइएको फेला परेपछि ४ लाख ६२ हजार रुपैयाँ मूल्य बराबरको टिमुरसहित चेपाङ प्रहरीले कञ्चनपुरको शुक्लाफाँटा नगरपालिका–२ का ४३ वर्षीय ट्रक चालक तेजबहादुर जागरीलाई नियन्त्रणमा लिएको सोमबार नियन्त्रणमा लिएको जिल्ला प्रहरी कार्यालय बर्दियाले जानकारी दिएको छ।

नियन्त्रणमा लिइएको अवैध टिमुरसहित ट्रक र चालकलाई आबश्यक कारबाही तथा अनुसन्धानका लागि आज राजस्व अनुसन्धान कार्यालय कोहलपुर पठाइएको जिल्ला प्रहरी कार्यालय बर्दियाले जनाएको छ।