भारतबाट ब्राउन सुगर ल्याउँदै गरेका दुई युवक कण्ठपुरबाट प्रहरीको नियन्त्रणमा

बर्दिया। बर्दिया प्रहरीक लागुऔषधविरुद्धको कारबाही अभियान अन्तर्गत दुई जना युवक ब्राउन सुगरसहित पक्राउ परेका छन् ।

जिल्ला प्रहरी कार्यालय बर्दियाका अनुसार बढैयाताल गाउँपालिका-७ कण्ठपुरबाट १ सय ९० मिलिग्राम  ब्राउनसुगर बढैयाताल गाउँपालिका-३ पुष्पनगरका २७ वर्षीय सुवास परियार र  राजापुर नगरपालिका-८ का २१ वर्षीय बिवेक विश्वकर्मालाई कालिका प्रहरीले पक्राउ गरेको हो।

भारतबाट शंकास्पद तरिकाले नेपालतर्फ पैदल आउँदै गरेको अवस्थामा चेकजाँचका क्रममा उनीहरुलाई उक्त परिमाणको ब्राउन सुगरसहित पक्राउ गरेको जिल्ला प्रहरी कार्यालय बर्दियाले जानकारी दिएको छ।

शनिबार साँझ पक्राउ परेका उनीहरू दुबैजनाविरुद्ध बर्दिया जिल्ला अदालतबाट म्याद लिएर इलाका प्रहरी कार्यालय मौनापोखरले लागुऔषध कसुरमा थप अनुसन्धान अगाडि बढाएको जिल्ला प्रहरी बर्दियाले जनाएको छ।