कालाकाटेबाट लाख बढीको भन्सार छलीको अवैध सामान गढवा प्रहरीको नियन्त्रणमा

गढवा (दाङ)।  दाङ प्रहरीले अवैध रूपले ल्याइएको भन्सार छलीका किराना तथा लत्ताकपडा बरामद गरेको छ।

जिल्ला प्रहरी कार्यालय दाङका अनुसार आज गढवा गाउँपालिका–१ कालाकाटे चोकस्थित गढवा–कालाकाटे सडक खण्डको छेउमा बेवारिसे अवस्थामा रहेको उक्त सामग्री  इलाका प्रहरी कार्यालय गढवाबाट खटिएको गस्ती टोलीले  फेला परेको हो।

प्रहरीका अनुसार बरामद गरिएको किराना तथा लत्ताकपडा सामानको अन्दाजी मूल्य रु. १ लाख १८ हजार ७ सय ५० रुपैयाँ बराबर रहेको छ।

बरामद गरिएको सबै अवैध सामानलाई आवश्यक कारबाहीका लागि भन्सार कार्यालय कोइलाबास पठाइएको जिल्ला प्रहरी कार्यालय दाङले जनाएको छ।