लागुऔषध मुद्दाका फरार प्रतिवादी मनोज बर्दिया प्रहरीको नियन्त्रणमा

बर्दिया । बर्दिया प्रहरीले लागुऔषध मुद्दामा फरार रहेका एक प्रतिवादीलाई पक्राउ गरेको छ।

जिल्ला प्रहरी कार्यालय बर्दियाका अनुसार इलाका प्रहरी कार्यालय ढोढरीबाट खटिएको प्रहरी टोलीले मधुवन नगरपालिका–९, गाउँ नं. १२ स्थित स्थानबाट लागुऔषध (ब्राउन सुगर) मुद्दामा दोषी ठहर भई फरार रहेका मनोज सुनारलाई पक्राउ गरेको हो। बर्दिया जिल्ला अदालतको २०८१ कात्तिक ४ गतेको फैसला अनुसार उनलाई ९ महिना २४ दिन कैद सजाय तोकिएको थियो।

३० वर्षीय सुनार आफ्नै घर वतनमा लुकीछिपी बसिरहेको अवस्थामा फेला परेका थिए। उनलाई रीतपूर्वक नियन्त्रणमा लिई आवश्यक कारबाहीका लागि सम्मानित बर्दिया जिल्ला अदालतमा पेश गरिएको प्रहरीले जनाएको छ।