ब्राउन सुगरसहित २६ वर्षीय लक्ष्मण प्रहरीको नियन्त्रणमा

दाङ । दाङको घोराही उपमहानगरपालिकाबाट प्रहरीले अवैध लागूऔषधसहित एक जनालाई पक्राउ गरेको छ।

घोराही उपमहानगरपालिका–१७ संगम टोलबाट अवैध लागूऔषध ब्राउन सुगर १ ग्राम ६ सय ७० मिलिग्रामसहित सोही स्थान बस्ने २६ वर्षीय लक्ष्मण नेपालीलाई पक्राउ गरेको जिल्ला प्रहरी कार्यालय दाङले जानकारी दिएको छ।

अस्थायी प्रहरी पोष्ट चौघेराबाट खटिएको प्रहरी टोलीले शंकास्पद अवस्थामा फेला पारी खानतलासी गर्दा उक्त परिमाणको लागूऔषध ब्राउन सुगर बरामद भएपछि उनलाई नियन्त्रणमा लिएको दाङ प्रहरीले जनाएको छ।

पक्राउ परेका नेपालीमाथि लागूऔषध सम्बन्धी कसूरमा आवश्यक अनुसन्धान भइरहेको जिल्ला प्रहरी कार्यालय दाङले जानकारी दिएको छ।