नेपालगन्जको बेलासपुरबाट ब्राउन सुगरसहित दुई युवक बाँके प्रहरीको नियन्त्रणमा

बाँके। लागुऔषध ब्राउन सुगरसहित दुई युवकलाई प्रहरीले पक्राउ गरेको छ। पक्राउ पर्नेमा २४ वर्षीय युवक नरेन्द्र कुर्मी र २८ वर्षीय दिपु बर्मा रहेको जिल्ला प्रहरी कार्यालय बाँकेले जानकारी दिएको छ।

जिल्ला प्रहरी कार्यालय बाँकेका अनुसार उनीहरुलाई नेपालगन्ज उपमहानगरपालिका-१२ बेलासपुरबाट ४८० मिलिग्राम ब्राउन सुगरसहित शनिबार राति पक्राउ गरिएको हो।

पक्राउ परेकामध्ये नरेन्द्र जानकी गाउँपालिका-३ ईन्द्रपुरका बासिन्दा र दिपु नेपालगन्ज उपमहानगरपालिका-१२ बेलासपुरमा बस्दै आएको बाँके प्रहरीले जनाएको छ।

जिल्ला प्रहरी कार्यालय बाँके र लागुऔषध नियन्त्रण ब्यूरो नेपालगन्जबाट खटिएको टोलीद्वारा ब्राउन सुगरसहित पक्राउ परेका उनीहरुविरुद्ध आज बाँके जिल्ला अदालतबाट म्याद थप गरेर अनुसन्धान अगाडि बढाइने जिल्ला प्रहरी कार्यालय बाँकेले जनाएको छ।