बर्दियाको चेपाङबाट प्रहरीले बरामद गर्‍यो बिल बिजकबिनाको लाखौंको खुकुरी चुरोट

बर्दिया । बर्दियाको चेपाङबाट प्रहरीले ठुलो परिमाणमा बिल बिजक बिनाको लाखौं रुपैयाँको खुकुरी चुरोट बरामद गरेको छ।

जिल्ला प्रहरी कार्यालय बर्दियाका अनुसार प्रहरी चौकी चेपाङको बाँसगढी नगरपालिका-१ रत्नराजमार्गमा पर्ने चेपाङबाट १ लाख ७ हजार  २५० रुपैयाँ बराबरको ७१५ प्याकेट खुकुरी चुरोट बरामद गरेको हो।

नेपालगञ्जबाट सुर्खेततर्फ जाँदै गरेको गाडीलाई चेकजाँच गर्ने क्रममा बिल बिजक बिनाको ठुलो परिमाणको खुकुरी चुरोट फेला पारेपछि बरामद गरिएको जिल्ला प्रहरी कार्यालय बर्दियाले जानकारी दिएको छ। बरामद गरिएको चुरोटलाई आबश्यक कारबाहीका लागि राजापुर भन्सार कार्यालय गुलरिया बुझाइएको जिल्ला प्रहरी कार्यालय बर्दियाले जनाएको छ।

त्यसैगरी, आज बिहान ३ बजे जिल्ला प्रहरी कार्यालय बर्दियाबाट खटिएको टोलीले  गुलरीया नगरपालिका- ११ लालपुर सिमानाकाबाट नेपालतर्फ भन्सार छली गरेर ल्याउँदै गरेको साढे १२ हजार रुपैयाँ बराबरको  बरामद गरिएको २५ थान कुर्तालाई पनि आजै आवश्यक कारवाहीको लागि राजापुर भन्सार कार्यालय गुलरिया बर्दियामा बुझाएको बर्दिया प्रहरीले जानकारी दिएको छ।

'

'