अर्काको नाममा भोट हाल्न खोज्ने एकजना पक्राउ

काठमाडौं   प्रतिनिधिसभा सदस्य निर्वाचनको मतदानका क्रममा अर्काको नाममा मतदान गर्न खोजेको आरोपमा एक जना युवक पक्राउ परेका छन्।

जिल्ला प्रहरी कार्यालय रौतहटका अनुसार राजपुर नगरपालिका–९ बौरिया निवासी १८ वर्षीय अरजे हयातलाई बिहीबार नियन्त्रणमा लिइएको हो।

प्रहरीका अनुसार उनले अनाथालय मतदान केन्द्रमा महमद आसिकको नाममा मतदान गर्न लाइनमा बसेको अवस्थामा फेला परेका थिए। इन्स्पेक्टर देवी राम भण्डारीको नेतृत्वमा रहेको प्रहरी टोलीले उनलाई सोही स्थानबाट पक्राउ गरेको जनाएको छ।

यसैबीच, अर्काको नाममा मतदान गर्न लाइनमा बसेको आरोप लागेकी नुजमा बेगम भने अचानक अचेत भएपछि प्रहरीले उनलाई उपचारका लागि आफन्तको जिम्मा लगाएको जानकारी दिएको छ।