बर्दियाबाट ब्राउन सुगरसहित ५ जना प्रहरीको नियन्त्रणमा

बर्दिया। बर्दियाबाट प्रहरीले लागुऔषधसहित ५ जनालाई नियन्त्रणमा लिएको छ।

प्रहरी प्रधान कार्यालयका अनुसार बारबर्दिया नगरपालिका-३ पदनाहाबाट ब्राउनसुगर ६ सय ६० मिलिग्राम सहित बारबर्दिया नगरपालिका-३ झुन्डिपुर बस्ने ३४ वर्षीय प्रदिप कुमार थारू र सोही नगरपालिका-४ बस्ने १९ वर्षीय निशान्त थारूलाई पक्राउ गरिएको हो।

इलाका प्रहरी कार्यालय बानियाँभारबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।

यसैगरी बर्दियाको राजापुर नगरपालिका-४ बाट ब्राउनसुगर ५ ग्राम २ सय मिलिग्राम सहित ३ जनालाई प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने ३२ वर्षीय राम मिलन चौधरी, गेरूवा गाउँपालिका-६ बस्ने २३ वर्षीय असोक श्रेष्ठ र २९ वर्षीय समिर चौधरी रहेको प्रहरी प्रधान कार्यालयले जनाएको छ।

जिल्ला प्रहरी कार्यालय बर्दियाबाट खटिएको प्रहरी टोलीले उनीहरूलाई उक्त पदार्थ सहित पक्राउ गरेको हो ।

पक्राउ परेका उनीहरुविरुद्ध लागुऔषध कसुरमा थप अनुसन्धान अगाडि बढाइएको प्रहरी प्रधान कार्यालयले जनाएको छ।