छुट्टाछुट्टै सवारी दुर्घटनामा दुई जनाको मृत्यु

काठमाडौँ । छुट्टाछुट्टै भएको सवारी दुर्घटनामा दुई जनाको मृत्यु भएको छ। सर्लाहीको कविलासी नगरपालिका-७ गैरस्थित सडकमा मोटरसाइकल दुर्घटना हुँदा एक युवकको मृत्यु भएको हो।

गैरबाट कविलासीतर्फ जाँदै गरेको बिआर ३० एपि २३१५ नम्बरको मोटरसाइकल अनियन्त्रित भई दुर्घटना भएको हो। दुर्घटनामा गम्भीर घाइते भएका चालक कविलासी नगरपालिका-८ का २३ वर्षीय पपु साहको प्रादेशिक अस्पताल मलंगवामा उपचारका क्रममा मृत्यु भएको छ। सोही दुर्घटनामा घाइते भएका मोटरसाइकलमा सवार अर्का एक जनालाई थप उपचारका लागि वीरगन्ज रिफर गरिएको प्रहरीले जनाएको छ।

यसैगरी सिन्धुलीको कमलामाई नगरपालिका-९ इनारपानीमा मोटरसाइकलको ठक्करबाट एक वृद्धाको मृत्यु भएको छ। सिन्धुलीबाट दुधौलीतर्फ जाँदै गरेको प्र-१-०५-००१ प ९५५७ नम्बरको मोटरसाइकलले ठक्कर दिँदा सोही ठाउँ बस्ने ८२ वर्षीया कौशिला माया गिरीको मृत्यु भएको हो।

ठक्करबाट गम्भीर घाइते भएकी गिरीलाई तत्काल उपचारका लागि शुभस्वस्तिक अस्पताल बर्दीबास पुर्‍याइएको भए पनि उपचारकै क्रममा उनको मृत्यु भयो। दुवै दुर्घटनाका सम्बन्धमा प्रहरीले आवश्यक अनुसन्धान गरिरहेको छ।

प्रहरीका अनुसार सर्लाही र सिन्धुलीमा भएका यी छुट्टाछुट्टै दुर्घटनामा एक युवक र एक वृद्धाको ज्यान गएको हो। दुर्घटनापछि दुवै घटनाबारे थप अनुसन्धान भइरहेको जनाइएको छ।