भन्सार छलेर ल्याइएका साढे ४ लाख रुपैयाँ बढी मूल्यका अवैध सामग्री बाँके प्रहरीको नियन्त्रणमा

नेपालगञ्ज । बाँकेका विभिन्न स्थानबाट भन्सार छली अवैध रूपमा भारतबाट ल्याइएका लाखौं रुपैयाँ बढीका विभिन्न सामग्री  प्रहरीले बरामद गरेको छ।

जिल्ला प्रहरी कार्यालय बाँकेका अनुसार तस्करी गरी ल्याइएका लत्ताकपडा, एसियन पेन्ट्स, खाद्यान्न, मोबाइल डिस्प्ले, जुत्तालगायत अन्दाजी मूल्य  ४ लाख ६२ हजार १५० बराबरका सामग्री नियन्त्रणमा लिइएको हो।

बरामद गरिएका सामग्रीलाई आवश्यक कारबाहीका लागि भन्सार कार्यालय नेपालगञ्ज, बाँकेमा पठाइएको प्रहरीले जनाएको छ।