कोहलपुरबाट ब्राउन सुगर र ६० हजार नगदसहित दुई युवक प्रहरीको नियन्त्रणमा

बाँके। बाँकेको कोहलपुर क्षेत्रबाट प्रहरीले ब्राउन सुगरसहित दुई युवकलाई पक्राउ गरेको छ।

जिल्ला प्रहरी कार्यालय बाँकेका अनुसार कोहलपुर नगरपालिका-४ बेलनपुरबाट २ ग्राम ४ सय मिलिग्राम ब्राउनसुगर र नगद ६० हजार रूपैयाँसहित सोही ठाउँ बस्ने २९ वर्षीय कमरूदिन जागा र २२ वर्षीय जमाल हसन जागालाई पक्राउ गरिएको हो।

उनीहरुलाई इलाका प्रहरी कार्यालय कोहलपुरबाट खटिएको टोलीले उक्त परिमाणको न्राउन सुगर र नगदसहित पक्राउ गरेको बाँके प्रहरीले जानकारी दिएको छ।

ब्राउन सुगरसहित बुधबार पक्राउ परेका उनीहरुविरुद्ध लागुऔषध कसुरमा कोहलपुर प्रहरीले थप अनुसन्धान अगाडि बढाएको जिल्ला प्रहरी कार्यालय बाँकेले जनाएको छ।