बाँकेबाट लाखौं रुपैयाँको अवैध सामग्री प्रहरीको नियन्त्रणमा

बाँके । जिल्ला प्रहरी कार्यालय बाँकेले जिल्लाका विभिन्न स्थानबाट भन्सार छलि गरी अवैध रूपमा भित्र्याइएका विभिन्न सामान बरामद गरेको छ।

बाँके प्रहरीले दिएको जानकारी अनुसार खाद्यान्न, फलफूल, चिनी तथा माउन्टेन ड्यू नामक पेय पदार्थलगायत अन्दाजी मूल्य रु. १ लाख ७२ हजार ८० रुपैयाँ  बराबरका सामानहरू नियन्त्रणमा लिइएको हो। ती सामानहरू तस्करी गरी भित्र्याइएको अवस्थामा फेला पारिएको प्रहरीले जनाएको छ।

प्रहरीका अनुसार बरामद गरिएका सम्पूर्ण सामानहरू आवश्यक कारबाहीका लागि भन्सार कार्यालय नेपालगञ्ज, बाँके पठाइएको छ।

बाँके प्रहरीले अवैध तस्करी तथा भन्सार छलि नियन्त्रणका लागि निगरानीलाई थप कडाइ गरिएको समेत जनाएको छ।