साढे ७ लाख बढीको भन्सार छलीका सामान बाँके प्रहरीको नियन्त्रणमा

बाँके । जिल्ला प्रहरी कार्यालय बाँकेले  जिल्लाका विभिन्न स्थानहरूबाट भन्सार छलि गरी ल्याइएका विभिन्न किसिमका लाखौं रुपैयाँका सामानहरू बरामद गरेको छ।

बाँके प्रहरीका अनुसार बरामद गरिएका सामानहरूमा खाद्यान्न, फलफूल, तरकारी, लत्ताकपडा, खसीबाख्रा, जुत्ताचप्पल, स्टेशनरी तथा कस्मेटिक सामग्री लगायत रहेका छन्। ती सामानहरूको अनुमानित मूल्य रु. ७ लाख ६६ हजार ५७० रुपैयाँ बराबर रहेको  छ।

बरामद गरिएका सामानहरू आवश्यक कारबाहीका लागि भन्सार कार्यालय नेपालगञ्ज, बाँकेमा पठाइएको प्रहरीले जानकारी दिएको छ।