जबरजस्ती करणी आरोपमा तीन जना प्रहरीको नियन्त्रणमा

काठमाडौं । कञ्चनपुर, सिराहा र झापामा जबरजस्ती करणी गरेको आरोपमा तीन जना पक्राउ परेका छन्।

कञ्चनपुरको पुनर्वास नगरपालिका–५ का ५९ वर्षीय सुका डौडेलाई १३ वर्षीया बालिकालाई जबरजस्ती करणी गरेको आरोपमा प्रहरीले पक्राउ गरेको छ। पीडित बालिकाको उजुरीका आधारमा इलाका प्रहरी कार्यालय त्रिभुवनबस्तीबाट खटिएको प्रहरी टोलीले उनलाई नियन्त्रणमा लिएको हो।

यस्तै, सिराहाको कर्जन्हा नगरपालिका–४ का ३५ वर्षीय दिलिप सदालाई २२ वर्षीया महिलामाथि जबरजस्ती करणी गरेको आरोपमा पक्राउ गरिएको प्रहरीले जनाएको छ। पीडित महिलाको उजुरीपछि इलाका प्रहरी कार्यालय बन्दीपुरबाट खटिएको टोलीले उनलाई पक्राउ गरेको हो।

त्यसैगरी, झापाको बिर्तामोड नगरपालिका–३ बिर्ताबजारका २९ वर्षीय प्रवृन्ड राउतलाई १७ वर्षीया बालिकामाथि जबरजस्ती करणी गरेको आरोपमा प्रहरीले नियन्त्रणमा लिएको छ। पीडित बालिकाको उजुरीका आधारमा इलाका प्रहरी कार्यालय अनारमनीबाट खटिएको प्रहरी टोलीले उनलाई पक्राउ गरेको हो।

उक्त घटनाहरू सम्बन्धमा प्रहरीले थप अनुसन्धान गरिरहेको जनाएको छ।