सवारी दुर्घटनामा ७ जनाको मृत्यु, केही घाइतेको उपचार हुँदै

काठमाडौं । देशका विभिन्न स्थानमा भएका छुट्टाछुट्टै सवारी दुर्घटनामा सात जनाको ज्यान गएको छ भने अन्य केही घाइते भएका छन्।

नेपाल प्रहरीका अनुसार मोरङ, धनुषा, तनहुँ, कास्की र बझाङमा भएका दुर्घटनामा मानवीय क्षति भएको हो। मोरङमा बसले पैदलयात्रीलाई ठक्कर दिँदा एक जनाको मृत्यु भएको छ। धनुषामा दुई मोटरसाइकल आपसमा ठोक्किँदा एक जनाले ज्यान गुमाएका छन्।

त्यसैगरी तनहुँ र कास्कीमा मोटरसाइकलको ठक्करबाट दुई पैदलयात्रीको मृत्यु भएको छ। बझाङमा जिप दुर्घटना हुँदा तीन जनाको ज्यान गएको प्रहरीले जनाएको छ।

दुर्घटनामा घाइते भएका व्यक्तिहरूको विभिन्न अस्पतालमा उपचार भइरहेको छ। घटनामा संलग्न केही चालकलाई प्रहरीले नियन्त्रणमा लिएको छ भने दुर्घटनाको कारण खुलाउन थप अनुसन्धान अघि बढाइएको नेपाल प्रहरीले जनाएको छ।