प्युठानको सामुदायिक वनबाट ३२ नाल अवैध भरुवा बन्दुक बरामद

प्युठान । प्युठानको नौबहिनी गाउँपालिकाको सामुदायिक वन क्षेत्रबाट प्रहरीले ३२ नाल अवैध भरुवा बन्दुक बरामद गरेको छ।

जिल्ला प्रहरी कार्यालय प्युठानका अनुसार नौबाहिनी गाउँपालिका–२ पूर्तिबाङस्थित मास्बिर सामुदायिक वनबाट ३२ नाल अवैध भरुवा बन्दुक तथा त्यसका विभिन्न पार्टपुर्जा बरामद गरिएको हो।

इलाका प्रहरी कार्यालय लुङ्गबहानेबाट खटिएको  टोलीले गस्ती गर्ने क्रममा सामुदायिक वनभित्र पातले छोपेर लुकाइछिपाइ राखिएको अवस्थामा १८ थान साबुत भरुवा बन्दुक, १४ थान बेसाबुत भरुवा बन्दुक, ४ थान बन्दुकका नाल, १ थान बटको कुण्डा तथा ३ थान भरुवा बन्दुकका चाप फेला पारी नियन्त्रणमा लिएको जिल्ला प्रहरी कार्यालय प्युठानले जनाएको छ।

प्युठान प्रहरीले घटनाबारे थप अनुसन्धान भइरहेको जनाउँदै बम्दुक लुकाउनेहरुको खोजी शुरु गरेको छ।