भीषण र विनाशकारी बाढीमा मृत्यु हुनेको संख्या २८९ पुग्यो

काठमाडौँ । रसुवाको भोटेकोशी र त्रिशूली नदीमा आएको भीषण बाढीका कारण मृत्यु हुनेको संख्या २८९ पुगेको छ।

बिहीबार दिउँसो ३ बजेसम्मको अद्यावधिक विवरणअनुसार सबैभन्दा धेरै शव चितवनमा फेला परेका छन्। चितवनमा मात्रै १२१ जनाको शव भेटिएको छ।

त्यस्तै, पूर्वी नवलपरासीमा ६५, धादिङमा २९, गोरखामा २९, तनहुँमा १६, पश्चिम नवलपरासीमा १४, नुवाकोटमा १२ र रसुवामा ३ जनाको शव फेला परेको छ।

प्रहरीका अनुसार बाढी प्रभावित क्षेत्रमा खोज तथा उद्धार कार्य जारी रहेकाले मृतकको संख्या अझ बढ्न सक्ने देखिएको छ।