३८ वर्षीया महिलामाथि जबरजस्ती करणीको आरोपमा ३५ वर्षीय युवक पक्राउ

काठमाडौं । ३८ वर्षीया महिलालाई जबरजस्ती करणी गरेको अभियोगमा प्रहरीले ३५ वर्षीय युवकलाई पक्राउ गरेको छ।

प्रहरीका अनुसार झापाको झापा गाउँपालिका–७ मदरगाछ टोल बस्ने ३५ वर्षीय सन्त गणेशलाई जबरजस्ती करणीको आरोपमा पक्राउ गगरिएको हो।

बिहीबार साँझ प्रहरी चौकी शरणामतीबाट खटिएको टोलीले उनलाई पक्राउ गरेको हो । ती महिलाले आफूलाई जबरजस्ती करणी गरेको भन्दै दिएको उजुरीका आधारमा गणेशलाई पक्राउ गरिएको प्रहरीले जनाएको छ ।

घटनाबारे प्रहरीले थप अनुसन्धान गरिरहेको जनाएको छ।