आफ्ना ७ कर्मचारीको खोजी गर्दै सशस्त्र प्रहरी प्रधान कार्यालय 

काठमाडौं । सशस्त्र प्रहरी बल, नेपालले आफ्ना ७ जना कर्मचारीहरुको खोजी सुरु गरेको छ। प्रधान कार्यालयले उनीहरू लामो  समयदेखि कार्यालयको सम्पर्कबाहिर रहेको भन्दै तत्काल सम्पर्कमा आउन निर्देशन दिएको छ ।

सशस्त्र प्रहरी बल, नेपाल प्रधान कार्यालयले सार्वजनिक सूचना जारी गर्दै विभिन्न इकाइमा कार्यरत ती कर्मचारी बिदा तथा आफूखुसी लाइन ब्यारेक छाडेर गैरहाजिर रहेको जनाएको छ ।

सूचनाअनुसार उनीहरू गैरहाजिर भएको विषयमा सम्बन्धित कार्यालयबाट खोजी गर्दा समेत सम्पर्कमा नआएको उल्लेख छ। सूचना प्रकाशित भएको मितिले सात दिनभित्र गैरहाजिर रहनुको मनासिब कारणसहित सम्बन्धित कार्यालयमा सम्पर्क राख्न प्रधान कार्यालयले निर्देशन जारी गरेको हो।

निर्धारित समयभित्र सम्पर्कमा नआए सशस्त्र प्रहरी नियमावली, २०७२(संशोधनसहित) बमोजिम कारबाही गरिने चेतावनीसमेत दिइएको छ ।

प्रधान कार्यालयका अनुसार गैरहाजिर हुनेमा एक जना सशस्त्र प्रहरी नायब निरीक्षक समेत रहेका छन् । सार्वजनिक सूचनामा उल्लेख गरिएका कर्मचारीहरूमा राम जेनीश यादव, विकास जोशी, रुद्रबहादुर श्रेष्ठ, बलबहादुर चुनारा, मनिष कार्की, मानबहादुर बुढा र दीपक मल्ल रहेका छन् । उनीहरू सशस्त्र प्रहरीका विभिन्न गण तथा इकाइमा कार्यरत रहेको सूचनामा उल्लेख छ ।

सशस्त्र प्रहरी नियमावली, २०७२ को नियम ११८ को उपनियम (१) बमोजिम आवश्यक कारबाहीको प्रयोजनका लागि सूचना जारी गरिएको सशस्त्र प्रहरी प्रधान कार्यालयले जनाएको छ।

खोजतलासका लागि सूचनामा उल्लेख नामहरु-