छोराले चलाएको मोटरसाइकल दुर्घटनामा बाबुछोराकै मृत्यु

काठमाडौं । मोरङमा मोटरसाइकल दुर्घटनामा दुई जनाको मृत्यु भएको छ। जिल्लाको ग्रामथान गाउँपालिका-२ झोराटोलीमा प्रदेश १-०४-००२ प १९०१ नम्बरको मोटरसाइकल दुर्घटना हुँदा ४५ वर्षीय उमेश मरिक र २२ वर्षीय आशिक मरिकको मृत्यु भएको प्रहरीले जनाएको छ।

मोरङ प्रहरीका अनुसार आज बिहान १ बजे झोराहाट चौकस्थित नहरको पुलमा उक्त मोटरसाइकल ठोक्किएर दुर्घटना भएको थियो। मृत्यु हुनेमा बाबुछोरा रहेका छन्।

जिल्ला प्रहरी मोरङका अनुसार  छोरा आशिकले चलाएको उक्त मोटरसाइकल आफैं घिनाघाट-विराटचोक सडक खण्डको नहरमा ठोक्किँएको थियो ।

दुर्घटनामा गम्भीर घाइते भएका दुबै जनाको उपचारका क्रममा विराट नर्सिङ होममा मृत्यु भएको प्रहरीले जानकारी दिएको छ।