१ क्विन्टल गाँजा बोकेको अटोसहित दुई जना पक्राउ

काठमाडौं । सुनसरी प्रहरीले जिल्लाको हरिनगर गाउँपालिका-७ यादव टोलबाट १ क्विन्टल बढी अवैध गाँजासहित २ जनालाई  पक्राउ गरेको छ । 

प्रहरी प्रधान कार्यालयका अनुसार पक्राउ पर्नेमा देवानगंज गाउँपालिका-२ बस्ने २० वर्षीय आलम अन्सारी र ४४ वर्षीय मन्जुल मिया रहेका छन् ।

इलाका प्रहरी कार्यालय देवानगंज र प्रहरी चौकी घुस्कीहाटबाट खटिएको संयुक्त टोलीले देवानगंजबाट घुस्किहाटतर्फ जाँदै गरेको को१ ह २२६१ नम्बरको अटोलाई जाँच गर्ने क्रममा अटोमा ४ वटा बोरामा लुकाई छिपाई राखेको १ क्विन्टल ७  गाँजा फेला पारी अटो चालक आलम र सहचालक मन्जुललाई पक्राउ गरेको हो । 

मंगलबार राति पक्राउ परेका उनीहरुसँह यस सम्बन्धमा प्रहरीले थप आवश्यक अनुसन्धान गरिरहेको प्रहरी प्रधान कार्यालयले जानकारी दिएको छ।