लागुऔषध मुद्दामा जेल सजाय पाएकी फरार महिला पक्राउ

तनहुँ । प्रहरीले लागुऔषध मुद्दामा फरार रहेकी एक महिला प्रतिवादीलाई पक्राउ गरेको छ। जिल्ला प्रहरी कार्यालय तनहुँले फरार रहेकी ब्यास नगरपालिका-४ की ३८ वर्षीया साइदा सनालाई पक्राउ गरेको हो।

सनालाई ब्यासबाटै लुकिछिपी बसेको अवस्थामा पक्राउ गरिएको तनहुँ प्रहरी जनाएको छ।

लागुऔषध मुद्दामा दोषी ठहर गर्दै जिल्ला अदालत तनहुँले सनालाई २०८० चैत ७ गते १ महिना २६ दिन जेल सजायको फैसला गरेयता उनी फरार रहेकी थिइन्।

प्रहरीले पक्राउ गरेर सनालाई जेल सजाय भुक्तानका लागि तनहुँ कारागार पठाएको जानकारी दिएको छ।