जुवाखालबाट १३ जुवाडे लाखौं रुपैयाँसहित पक्राउ

काठमाडौं । प्रहरीले जुवाखालबाट १३ जना जुवाडेलाई लाखौं रुपैयाँ सहित पक्राउ गरेको छ।

धनुषाको क्ष्रिरेश्वरनाथ नगरपालिका-६ कुचाई टोल बस्ने कैलाश खातीको घरमा जुवातास खेलिरहेको अवस्थामा सोही नगरपालिका-५ बस्ने ३८ वर्षीय अरूण कुमार ठाकुर समेत १३ जनालाई  प्रहरीले पक्राउ गरेको हो।

जिल्ला प्रहरी कार्यालय धनुषा र इलाका प्रहरी कार्यालय महेन्द्रनगरबाट खटिएको प्रहरीले उनीहरूलाई २ लाख ३० हजार २ सय ३० नेपाली रूपैयाँ, ४ सय ३० भारतीय रूपैयाँ र ४ सय ८६ मलेसियन रिङ्गिट सहित पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।