वीरगञ्जमा धार्मिक सद्भाव भड्काएको आरोपमा ४ जना पक्राउ

काठमाडौं । प्रहरीले चार जनालाई पर्साको वीरगञ्जमा धार्मिक सद्भाव भड्काएको आरोपमा   पक्राउ गरेको छ।

पर्सा प्रहरीले दिएको जानकारी अनुसार घरको छतमा बसेर ढुंगा हान्ने, मोटरसाइकलमा तोडफोड गर्ने कार्यमा संलग्न रहेको आरोपमा चार जनालाई पक्राउ गरेको हो। आफ्ना समर्थकलाई पक्राउ गरिएको भन्दै टायर बालेर प्रदर्शन गरिएको थियो।

पक्राउ परेकाहरू धार्मिक हिंसा भड्काउने गरी उत्रिएका थिए । जिल्ला प्रहरी कार्यालय अगाडि धर्नामा बसेकाहरू झडपमा उत्रिएपछि प्रहरीले लाठिचार्ज समेत गरेको थियो ।

गत शनिबार वीरगञ्जमा शोभायात्राका क्रममा दुई धार्मिक समुदायबीच झडप भएको थियो । झडपपछि अवस्था तनावग्रस्त हुँदा त्यहाँ प्रशासनले कर्फ्यु समेत लगाएको थियो ।