६ जना मृत भेटिए

काठमाडौं । नेपाल प्रहरीले  ६ जना मृत फेला परेको जानकारी दिएको छ। प्रहरी प्रधान कार्यालयका अनुसार इलामको इलाम नगरपालिका-९ गोलाखर्कका ५४ वर्षीया माया बराईली आफ्नै घरमा मृत अवस्थामा फेला परेकी छिन् ।

त्यसैगरि, कास्कीको पोखरा महानगरपालिका-१४ स्थित छाप्रोभित्र अन्दाजी ३२ वर्षीय पुरूष मृत अवस्थामा फेला परेका छन् भने सिराहाको  कल्याणपुर नगरपालिका-३ स्थित सडक छेउमा सोही नगरपालिका-२ चतरीटोल बस्ने ४५ वर्षीय राम उदगार मुखिया पनि  मृत अवस्थामा फेला परेको प्रहरी प्रधान कार्यालयले जानकारी दिएको छ।

प्रहरीले रौतहटको माधवनारायण नगरपालिका-१ स्थित सडक पेटीमा राजपुर नगरपालिका-४ फतुवा बस्ने ४० वर्षीय रामराज महतो मृत अवस्थामा फेला परेको जनाएको छ। 

त्यस्तै कपिलवस्तुको महाराजगंज नगरपालिका-१० हर्दौनास्थित खेतमा सोही ठाउँ बस्ने ५५ वर्षीय बचन लोनिया र कञ्चनपुरको कृष्णपुर नगरपालिका-३ चित्रपुरस्थित खेलमैदानमा शुक्लाफाँटा नगरपालिका-१२ तिल्की बस्ने ६० वर्षीय घुम्मन राना मृत अवस्थामा फेला परेको प्रहरी प्रधान कार्यालयले जनाएको छ।

प्रहरी प्रधान कार्यालयका अनुसार सम्बन्धित प्रहरी कार्यालयले घटनाबारे थप अनुसन्धान सुरु गरेका छन् ।