यातायात बन्द गराउँदै हिंडेका १४ जना प्रहरीको नियन्त्रणमा

काठमाडौं । प्रहरीले सडकमा हडताल गर्न निस्किएको आरोपमा १४ जनालाई नियन्त्रणमा लिएको छ ।

प्रहरी प्रधान कार्यालयका अनुसार काठमाडौंबाट १२ जना र पूर्वी नवलपरासीबाट २ जनालाई प्रहरीले पक्राउ गरेको हो । पक्राउ परेकाहरूविरुद्ध काठमाडौं र पूर्वी नवलपरासीको जिल्ला प्रहरी कार्यालयबाट अनुसन्धान भइरहेको  प्रहरी प्रधान कार्यालयले जनाएको छ।

यातायात व्यवसायीको आन्दोलनका क्रममा उनीहरुले निजी गाडीलाई रोकेर बन्द गर्न भन्दै हिडेको भेटिएपछि पक्राउ गरिएको प्रहरीले जानकारी दिएको छ।