सहायक रथी राजाराम बस्नेतले पाए सैनिक प्रवक्ताको जिम्मेवारी

काठमाडौँ । नेपाली सेनाका केन्द्रीय प्रवक्ता फेरिएका छन् ।  सेनाको नयाँ प्रवक्ताको जिम्मेवारी सहायक रथी राजाराम बस्नेतले पाएको नेपाली सेनाले जानकारी दिएको छ।

यसअघिका सैनिक  प्रवक्ता सहयक रथी गौरव कुमार केसीको पूर्वी पृतना मुख्यालय इटहरीमा सरुवा भएपछि रिक्त हुने स्थानमा सहायक रथी बस्नेतलाई जिम्मेवारी दिइएको हो।

आगामी बिहीवार प्रवक्ताको बरबुझारथ कार्यक्रम राखिएको नेपाली सेनाले  जानकारी दिएको छ।