ट्रक र विद्युतीय गाडी ठोक्किँदा २ जनाको मृत्यु, दुई घाइते

काठमाडौं । ट्रक र विद्युतीय गाडी ठोक्किँदा दुई जनाको मृत्यु भएको छ ।रौतहटको चन्द्रनिगाहपुरमा विद्युतीय गाडीमा सवार सर्लाही रामनगर-१ खैरवाका ३० वर्षीय धिरेन्द्र ठाकुर र ३६ वर्षीया भगिया देविको मृत्यु भएको प्रहरीले जानकारी दिएको छ ।

प्रहरीका अनुसार रौतहटको चन्द्रपुर नगरपालिका- १ मा मालवाहक ट्रक र विद्युतीय गाडी एक आपसमा ठोक्किएको थियो ।

सर्लाहीको बरहथवाबाट चन्द्रनिगाहपुरतर्फ आउँदै गरेको बागमती प्रदेश ०३–००१ ज ०४५२ नम्बरको विद्युतीय गाडी र विपरित दिशाबाट आएको मधेश प्रदेश ०३–००१ ख ८६०० नम्बरको ट्रक एक आपसमा ठोक्किएको हो ।

गाडीमा सवार रहेकामध्ये दुई जना उपचार भइरहेको तथा अन्यको अवश्था सामान्य रहेको  रौतहट प्रहरीले जानकारी दिएको छ।