१४ वर्षीया बालिकालाई बलात्कार गरेको आरोपमा ३२ वर्षीय युवक पक्राउ

काठमाडौं ।१४ वर्षीया बालिकालाई बलात्कार गरेको आरोपमा प्रहरीले ३२ वर्षीय युवकलाई पक्राउ गरेको छ।

पक्राउ पर्नेमा पर्वतस्थित कुश्मा नगरपालिका-१ पाङका ३२ वर्षीय सुरेन्द्र किसान  रहेको प्रहरीले जानकारी दिएको छ।

प्रहरीका अनुसार सुरेन्द्रले ती बालिकालाई बलात्कार गरेको उजुरीको आधारमा जिल्ला प्रहरी कार्यालय पर्वतबाट खटिएको प्रहरीले उनलाई पक्राउ गरेको हो ।

आइतबार बिहान पक्राउ परेका सुरेन्द्रलाई अदालतबाट म्याद लिएर थप अनुसन्धान सुरु गरिएको पर्वत प्रहरीले जनाएको छ।