लागुऔषधसहित १६ जना प्रहरीको नियन्त्रणमा

काठमाडौं। नेपाल प्रहरीले लागुऔषधविरुद्दको कारबाहीमा १६ जनालाई पक्राउ गरेको छ।

प्रहरीको कारबाहीमा काठमाडौंबाट एक जनालाई पक्राउ गरेको छ। त्यसैगरी प्रहरीले कैलालीबाट खैरो हेरोइनसहित ४ जनालाई पक्राउ गरेको छ भने कञ्चनपुरबाट  चरेशसहित  एक जनालाई नियन्त्रणमा लिएको प्रहरीले जनाएको छ।

त्यस्तै प्रहरीले चितवनबाट ब्राउन सुगरसहित ४ जनालाई नियन्त्रणमा लिएको छ। कपिलवस्तुबाट खैरो हेरोइनसहित ३ जनालाई पक्राउ गरेको प्रहरी प्रधान कार्यालयले जनाएको छ।

प्रहरीले गरेको लागुऔषधविरुद्दको अपरेशनमा मोरङबाट खैरो हेरोइनसहित  एक युवकलाई पक्राउ गरेको हो। प्रहरी प्रधान कार्यालयका अनुसार लागुऔषधसहित पक्राउ परेका उनीहरुसँग सम्बन्धित प्रहरी कार्यालय थप अनुसन्धान जारी राखेका छन् ।