६८ वर्षीया महिलाको हत्या आरोपमा २७ वर्षीय युवक पक्राउ

सर्लाही। प्रहरीले एक महिलाको हत्या आरोपमा एक युवकलाई पक्राउ गरेको छ।

सर्लाहीको गोडैता नगरपालिका-६ बगदह बस्ने ६८ वर्षीया राम दुलारी रायको हत्या गरेको आरोपमा प्रहरीले  सोही ठाउँ बस्ने २७ वर्षीय  राम अधिन रायलाई बुधबार प्रहरीले पक्राउ गरेको हो।

राम अधिनले गोरेटो बाटोको विषयलाई लिई राम दुलारी र उनकी बुहारीलाई मंगलबार बेलुकी कुटपिट गर्दा उनीहरू मध्ये गम्भीर घाइते भएकी राम दुलारीको जिल्ला सरकारी अस्पताल सिन्धुलीमा थप उपचारको क्रममा बुधबार दिउँसो मृत्यु भएको थियो । साथै कुटपिटबाट घाइते भएकी राम दुलारीकी बुहारीको प्रादेशिक अस्पताल मलंगवामा उपचार भइरहेको छ । 

यस सम्बन्धमा प्रहरीले पक्राउ परेका राम अधिनसँग थप आवश्यक अनुसन्धान गरिरहेको जानकारी दिएको छ।