हुण्डीको २८ लाख रुपैयाँ बढीसहित तीन जना पक्राउ

काठमाडौं । प्रहरीले स्रोत नखुलेको २८ लाख बढी रकम सहित तीन जनालाई पक्राउ गरेको छ ।

जिल्ला प्रहरी कार्यालय पर्साले दिएको जानकारी अनुसार  २८ लाख २८ हजार रुपैयाँसहित प्रहरीले हुण्डी कारोबारमा संलग्न रहेको आशङ्कामा पकाहामैनपुर गाउँपालिका–२ का अनिल वर्णवालाई ९ लाख ४७ हजारसहित र वीरगञ्ज महानगर आर्दशनगरबाट र वडा नं ३ का विनितकुमार श्रीवास्तवलाई १५ लाख ८१ हजारसहित पक्राउ गरेको हो ।

त्यसैगरी, बाराको परवानीपुर गाउँपालिका–४ का स्थायी बासिन्दा दीपककुमार सोनारलाई रु ३ लाखसहित पक्राउ गरिएको छ ।

आरोपीहरुलाई मुलुकी अपराध संहिता, २०७४ को दफा १२५ को(क) बमोजिम (हुण्डीसम्बन्धी कारोबार गर्न नहुने) कसुरमा जिल्ला अदालतबाट पाँच दिनको म्याद लिई अनुसन्धान भइरहेको पर्सा प्रहरीले जानकारी दिएको छ।