सुर्खेत प्रहरीको अपराध नियन्त्रणमा सक्रियता,६ किलो लागुऔषध बरामद,अपराधमा संलग्न ९४ पक्राउ

सुर्खेत । नेपाल प्रहरीका एसपी सुधीरराज शाहीले कमाण्ड गरेको सुर्खेत प्रहरीले पछिल्लो दुई महिनामा अपराध नियन्त्रणमा कडाइ गर्दै कानुन विपरीत कार्य गर्नेलाई नियन्त्रणमा लिदै आएको छ।

समाज दुर्गन्धित बनाउने लागुऔषध कारोबारविरुद्ध एसपी शाहीको कमाण्डको सुर्खेत प्रहरीले २ महिनाको अवधिमा ६ किलो लागुऔषधसहित बरामद गर्दै विभिन्न अपराधमा संलग्न रहेको आरोपमा ९५४ जनालाई पक्राउ गरेको जिल्ला प्रहरी कार्यालय सुर्खेतले जानकारी दिएको छ।

एसपी शाहीका अनुसार सुर्खेत प्रहरीले लागुऔषधतर्फ ब्राउन सुगर, चरेस, अफिम, गाँजा र प्रतिवन्धित औषधि  ५ किलो ९३५ ग्राम ९०० मिलिग्राम लागुऔषध बरामद गरेको छ।  उक्त कारोबारमा संलग्न रहेको आरोपमा प्रहरीले ५ महिना र ३९ पुरुष गरी  ४४ जनालाई नियन्त्रणमा लिएको छ भने अन्य अपराध कार्यमा संलग्न ५० जनालाई पक्राउ गरेर अनुसन्धान गरिरहेको छ।

सुर्खेत प्रहरीले लागुऔषधबाहेक अन्य सामाजिक अपराधमा पनि प्रहरी सक्रिय देखिएको छ भने जुवातास खेलेको अवस्थामा २१ जना पक्राउ गरेको जिल्ला प्रहरी कार्यालय सुर्खेतले जनाएको छ। त्यसैगरी सामाजिक सदाचार तथा वेश्यावृत्ति कसुरमा २८ जना पक्राउ पर्दा ३ जना होटल सञ्चालक समेत रहेका छन ।

सुर्खेत प्रहरीले लागुऔषधविरुद्ध सचेतना,साइबर अपराध लगायतका बारेमा सचेतना दिदै आउँदा  गुण्डागर्दी नियन्त्रणमा अहम भूमिका खेल्दै आइरहेको एसपी शाहीले बताए ।