पहिरोले २ वटा बस बगाउँदा त्रिशुलीमा खसेको आंशका, ६५ यात्रु बेपत्ता

चितवन । दुई वटा यात्रुबाहक बस नारायणगढ–मुग्लिन सडकको सिमलतालमा लेदोसहितको पहिरोले  बगाएर  बेपत्ता भएका छन् । दुबै बस पहिरोमा पुरिएर  त्रिशूलीमा बेपत्ता आंंशका गरिएको चितवन प्रहरीले जानकारी दिएको छ।

चितवन प्रहरीका अनुसार  अनुसार आज बिहान साढे ३ बजे पहिरोमा बगेर दुई बस त्रिशूलीमा खसेको आंंशका गरिएको छ।  काठमाडौँबाट गौर जाँदै  गरेको गणपति डिलक्स लेखिएको र वीरगञ्जबाट काठामाडौँ जाँदै गरेको एन्जट बस पहिरोमा बेपत्ता भएका हुन् ।

प्रारम्भिक जानकारीअनुसार गौर जाँदै गरेको बसमा ४१ जना र काठमाडौँ जाँदै गरेको बसमा २४ जना सवार रहेका थिए ।

सुरक्षाफौज अहिले घटनास्थलमा  उद्धारको काम थालिरहेको छ।  अहिले पहिरो पन्छाउन सुरु गरिएको छ। तर बस कतै नदेखिएकाले त्रिशुलीमा बेपत्ता भएको आंंशका गरिएको हुँदा कुरिनटारबाट सशस्त्र प्रहरीको गोताखोर आइसकेको प्रहरीले जानकारी दिएको छ।