उपत्यकामा लूटपाटमा संलग्न २१ जना नेपाली सेनाको नियन्त्रणमा

काठमाडौं । नेपाली सेनाले गएराति काठमाडौं उपत्यकाका विभिन्न स्थानमा भएका लुटपाटका घटनामा करिव दुई दर्जन व्यक्तिलाई पक्राउ गरेको छ। 

काठमाडौं तथा भक्तपुरका विभिन्न इलाकाहरु(राधेराधेस्थित भाटभटेनी सुपरमार्केट, होटल हायात र बौद्ध इलाका) बाट लुटपामा संलग्न २१ जना पक्राउ परेका हुन् । उनीहरुलाई नेपाली सेनाको टोलीले नियन्त्रणमा लिएको हो ।

गएरातिदेखि नै नेपाली सेनाले सुरक्षा कमाण्ड सम्हालेको जनाएको छ । देशमा विद्यमान सुरक्षा चुनौती तथा विभिन्न स्थानहरुमा उछृङखल तत्वबाट लुटपाट तथा आगजनी र जीउधनको क्षति गर्ने मनसायले विध्वंसात्मक तथा अराजक गतिविधिहरु आफ्नो समुदायमा देखिएमा खबर गर्न पनि नेपाली सेनाले अनुरोध गरेको छ ।

नेपाली सेनाको हटलाइन नम्बर ९८६३०२९०२९ को ह्वाट्सएप र भाइबरमा म्यासेज गरेर गर्न सकिने छ ।