नेपाली सेनाले भन्यो- झुट्टा र भ्रामक समाचारमा विश्वास नगरौं

काठमाडौं । वर्तमान समयमा देशमा भइरहेका घटनाक्रमलाई अतिरन्जित गरिएका र सामाजिक सञ्जालमा सेनालाई जोडेर गरिएका कतिपय झुट्टा प्रचारहरूलाई विश्वास नगर्न  नेपाली सेनाले आग्रह गरेको छ ।

आज बिहान एक विज्ञप्ति जारी गर्दै नेपाली सेनाले भनेको छ, ‘विद्यमान परिस्थितिमा नेपाली सेनालाई जोडेर विभिन्न प्रकारका टिकाटिप्पणी, धारणा र विश्लेषणहरू सम्प्रेषण भएकोमा नेपाली सेनाले आफ्नो धारणा र गतिविधिहरू नियमित रूपमा प्रेस विज्ञप्ति, प्रेस नोट र आधिकारिक सामाजिक सञ्जालमार्फत् सार्वजनिक गर्दै आएको छ ।’