राष्ट्रिय अनुसन्धान विभागको प्रमुखमा टेकेन्द्र कार्की

काठमाडौं । नेपालको एकमत्र गुप्तचर संस्था  राष्ट्रिय अनुसन्धान विभागको मुख्य अनुसन्धान निर्देशकमा टेकेन्द्र कार्की नियुक्त भएका छन् ।आजको मन्त्रिपरिषद् बैठकले अतिरिक्त मुख्य अनुसन्धान निर्देशक कार्कीलाई मुख्य अनुसन्धान निर्देशक( गुप्तचर प्रमुख) मा नियुक्त गरेको हो ।

जुम्ला घर भएका आम स्थायीवासी कार्कीलाई विभागको मुख्य अनुसन्धान निर्देशकमा नियुक्त गर्ने निर्णय गरिएको हो।  ३ वर्षे पदावधि पुरा गरेर हुतराज थापा भदौ २८ देखि अनिवार्य अवकाशमा गएपछि प्रमुखको पद रिक्त थियो । 

नवनियुक्त प्रमुख कार्की २०५३ मा अनुसन्धान अधिकृतबाट सेवा प्रवेश गरेका थिए । उनले आफ्ना प्रतिस्पर्धी ओम प्रकाश जोशीलाई पछि पारेका छन् ।कार्की  त्रिभुवन विश्वविद्यालयबाट  जनप्रशासनमा स्नातकोत्तर उपाधिप्राप्त समेत गरेका छन् भने कार्की मास्टर अफ साइकोलोजीमा एमफिल गरिसकेका अनुसन्धान विभागका एकमात्र उच्च अधिकृत हुन् ।

जेनजी प्रदर्शनको कारण सत्ता परिवर्तन भएसँगै प्रधानमन्त्री शुसीला कार्की नेतृत्वको मन्त्रिपरिषद्ले उनलाई गुप्तचर प्रमुखमा नियुक्त गर्ने निर्णय गरेको हो । 

कार्की पनि यसअघिका प्रमुख  हुतराज थापाकै ब्याचमेट हुन् । मुलुकभर राष्ट्रिय अनुसन्धान विभागको संरचना छ । सिंहदरबार परिसरमा विभागको मुख्यालय छ । विभागका २ हजार २६५ जना कर्मचारी र एजेन्टहरूलाई सूचना सङ्कलन गर्ने जिम्मेवारी दिइएको हुन्छ ।