ट्रक र बुलेट मोटरसाइकल ठोक्किँदा एक युवकको मृत्यु,अर्का एक युवक घाइते

सुर्खेत । ट्रक र बुलेट मोटरसाइकल एकआपसमा ठोक्किँदा एक युवकको मृत्यु भएको छ। 

सुर्खेतको भेरीगंगा नगरपालिकाको पाडुलेको छिन्चु–धुलियाविट सडक खण्डमा   ना ५ ख ५६०८ नम्बरको ट्रक र लु ०३–००१ प ३६३१ नम्बरको बुलेट मोटरसाइकल एक आपसमा ठोक्किएको सुर्खेत प्रहरीले जानकारी दिएको छ।

सुर्खेत प्रहरीका अनुसार आज दिउँसो १२ बजे ट्रक र बुलेट मोटरसाइकल ठोक्किँदा अन्दाजी २२ वर्षीय एक युवकको मृत्यु भएको छ। मृतकको पहिचान नखुलेको जिल्ला प्रहरी कार्यालय सुर्खेतले जनाएको छ।

दुर्घटनामा परी बुलेट मोटरसाइकलको पछाडि सवार रहेका अछामका १८ वर्षीय दमन शाही घाइते भएका छन् । उनको स्थानीय अस्पतालमा उपचार भइरहेको सुर्खेत प्रहरीले जानकारी दिएको छ ।

मोटरसाइकललाई ठक्कर दिने ट्रक र चालकलाई इलाका प्रहरी कार्यालय छिन्चुले नियन्त्रणमा लिएर घटनाबारे थप अनुसन्धान अघि बढाएको जिल्ला प्रहरी कार्यालय सुर्खेतले जनाएको छ।