दाङमा ट्याक्टर र मोटरसाइकल ठोक्किँदा तीन जना घाइते

दाङ । दाङको शान्तिनगरमा ट्याक्टर र मोटरसाइकल एकआपसमा ठोक्किँदा तीन जना घाइते भएका छन् ।दुर्घटनामा परेर बबई गाउँपालिका-६ का शंकर शाह, जगत चौधरी र लाहानु चौधरी घाइते भएको प्रहरीले जानकारी दिएको छ।

घाइतेहरुमध्ये जगतको नेपालगन्ज नर्सिङ होममा र शंकरको साहारा पोलिक्लिनिकमा उपचार भइरहेको बबइ– ६ का पूर्ब अध्यक्ष रामबहादुर डाँगीले बताए । 

अर्का घाइते लाहानुको राप्ती प्रादेशिक अस्पताल तुलसीपुरको उपचारपछि घर फर्किएका छन् । शान्तिनगर गाउँपालिका-७ खैरेनीमा गए राति रा २ प ४८५९ मोटरसाइकल मिक्चर बोकेको रा १ त २५६२ नम्बरको ट्रयाक्टरमा ठोक्किँदा दुर्घटना भएको प्रहरीले जनाएको छ।

प्रहरीले घटनाबारे थप अनुसन्धान अगाडि बढाएको जानकारी दिएको छ।