बन्दुकसहित रामप्रसाद प्रहरीको नियन्त्रणमा

पुतलीबजार । प्रहरीले एक युवकलाई एक थान भरुवा बन्दुकसहित नियन्त्रणमा लिएको छ।

स्याङ्जाको गल्याङ नगरपालिका-९ डुबिनका ३६ वर्षीय युवक रामप्रसाद भट्टराईलाई  भरुवा बन्दुकसहित  पक्राउ गरेको जिल्ला प्रहरी कार्यालय स्याङ्जाले जानकारी दिएको छ।

जिल्ला प्रहरी कार्यालय स्याङ्जाका अनुसार गए राति  प्रहरी चौकी गल्याङबाट खटिएको टोलीले रामप्रसादलाई  उनकै घरबाट बन्दुक सहित नियन्त्रणमा लिएको थियो।

बन्दुकसहित पक्राउ परेका रामप्रसादलाई स्याङ्जा अदालतबाट म्याद थप गरेर उनीविरुद्ध हातहतियार तथा खरखजाना मुद्दा अनुसन्धान सुरु गरिएको जिल्ला प्रहरी कार्यालय स्याङ्जाले जनाएको छ।