२५ वर्षपछि हाडनाता करणी मुद्दाकी फरार महिला प्रतिवादी पक्राउ

काठमाडौं  । हाडनाता करणी मुद्दामा २५ वर्षदेखि फरार रहेकी महिला प्रतिवादीलाई प्रहरीले पक्राउ गरेको छ। पक्राउ पर्नेमा स्याङ्जाको फेदीखोला गाउँपालिका–२ निवासी ५० वर्षीया सावित्री खड्का भन्ने सावित्री सापकोटा रहेकी छन्।

जिल्ला अदालत स्याङ्जाले  २०५७ वैशाख २१ गते गरेको फैसलाअनुसार उक्त मुद्दामा उनलाई ३ महिना कैद सजाय तोकिएको थियो।

फैसला भएदेखि २५ वर्ष फरार रहेकी सावित्रीलाई जिल्ला प्रहरी कार्यालय स्याङ्जाबाट खटिएको टोलीले मंगलबार फेदीखोला गाउँपालिका–२ बाट पक्राउ गरेको हो।

पक्राउ परेकी सावित्रीलाई फैसला कार्यान्वयनका लागि जिल्ला अदालत स्याङ्जामा पेश गरिएकोमा अदालतको आदेश अनुसार कैद भुक्तानका लागि जिल्ला कारागार स्याङ्जा पठाइएको प्रहरीले जनाएको छ।